Қазақстан мен Польша: ЕҚТ бойынша тәжірибе алмасу
2021 ж. 29 қарашасында Қазақстандық ЕҚТ бюросы ХЖТИЖО КЕАҚ базасында Польшаның климат және қоршаған орта министрлігімен кездесу өткізді. Кездесуді Қазақстанның Польшаға Елшілігі ұйымдастырды. Кездесуге Министрліктің польшалық сарапшылары, электр станциялары қауымдастығының өкілдері және көмір өндірумен айналысатын Polska Grupa Gornicza компаниясының өкілдері қатысты. Кездесуде Польша тарабы ЕҚТ қолдану тәжірибесімен, әсіресе энергетика секторындағы тәжірибесімен бөлісті, сондай-ақ ЕҚТ бойынша қорытындыларға қатысты Еуропалық Одақ ішіндегі даулы мәселелер талқыланды. Польша ЕҚТ Ұлттық бюросы ЕҚТсаласында тәжірибе алмасу үшін байланыс орнатқан алғашқы елдердің бірі болып табылады, екі тарап одан әрі ынтымақтастықты дамытуға ниетті.
Мәлімет үшін, Польшаның энергетикалық секторында отын базасының басым бөлігін көмір құрайды, бұл Қазақстандағы энергетикалық жағдайға ұқсас. Сондықтан, Қазақстанның сарапшылық қоғамдастығы үшін Польшаның ЕҚТ және энергияның баламалы көздеріне көшу жөніндегі тәжірибесін зерделеудің стратегиялық маңызы бар.
