"Халықаралық жасыл технологиялар және инвестициялық жобалар орталығы" коммерциялық емес акционерлік қоғамы (бұдан әрі – Орталық) Қазақстан Республикасы Үкіметінің 2018 жылғы 27 сәуірдегі Қаулысымен "ЭКСПО-2017" көрмесінің инфрақұрылымы мен мұрасы базасында Қазақстан Республикасының Тұңғыш Президенті Нұрсұлтан Назарбаевтың бастамасын іс жүзінде іске асыру ретінде құрылды. Елбасы бұл идеяны БҰҰ Бас Ассамблеясының 70-ші мерейтойлық сессиясында ұсынды.
Орталық "жасыл" экономикаға көшу және орнықты даму мақсаттарына қол жеткізу міндеттерін "жасыл" экономиканың үздік әлемдік практикаларын және инвестицияларды ынталандыратын басқа да шараларды ескере отырып, "жасыл" технологияларды енгізуге заңнамалық және өзге де ынталандыруларды әзірлеу арқылы шешуге арналған.
Орталықтың құрылу тарихына сүйене отырып, экология саласындағы сарапшылар осы саладағы іргелі білімдерімен бөлісе алатын білім беру алаңын құру бастамасы пайда болды.
GREEN WEBINAR платформасының негізгі міндеті - "жасыл" экономика, экология, жасыл инновациялық технологиялар, ОҚТ саласындағы білімді тарату, сондай-ақ біліктілікті және құзыреттілікті арттыру үшін мамандарды оқыту.
Бұл жоба 1900 адамнан тұратын аудиторияны жинаған табысты жетекші білім беру алаңы ретінде танылды.
Жоба іске қосылған бірінші жылдан бастап (2020 жыл) 13 вебинар өткізілді, осы уақыт ішінде халықаралық және отандық спикерлердің үлкен базасы қалыптастырылды. Бұл ғылыми қоғамдастықтың кәсіби мамандары мен сарапшылары.
Green WEBINAR жобасының авторы Медиева Гүлбазар. Ол Халықаралық жасыл технологиялар орталығы жанындағы ҒТД, ҒТК және ЖКИ офисін басқарады. Біздің команда Еуропалық Одақ, OECD, GIZ, IRENA, GCF, World Bank, ADB, EBRD, USAID сияқты ірі ұйымдармен ынтымақтастық жасайды.
Энергия түрін таңдаңыз
Жобаның түрі
Жобаның мәртебесі